Ika-limang “Gasa sa Gugma” gihimo sa Davao del Sur

January 6, 2020 • in News & Events

Ang ika-upat nga hugna sa hini-usang paghatag og tabang alang sa mga nabiktima sa Magnitude 6.9 nga linog sa Padada, Davao del Sur ang gipahigayon na usab sa Seventh-day Adventist Church sa rehiyon sa Davao karong adlawa, Enero 6. Ang mga central churches ug mga distrito nga gipangulohan sa mga kaigsoonan ug mga district o church pastors naga-abot sa San Jose Seventh-day Adventist Church sa Digos City sa sayu sa kabuntagon alang sa paghimo og usa ka devotional program sa wala pa gihimo ang maong pagpanghatag.

Malipayong nagtabang ang pamilyang Alfanta sa mga katawhan sa pagtoltol kanila sa ilang mga linya.

Si Pastor Edwin Magadaro, pangulo alang sa Seventh-day Adventist Church sa rehiyon sa Davao nagkanayon, “ang paghatag ug pagpaambit sa atong mga panalangin usa ka pagpakita kung unsa kadako ang atong Diyos ug giunsa Niya kita kagihigugma!”

Atong nahibaloan nga mao na kini ang ika-lima nga proyektong “Gasa sa Gugma” alang sa mga nalinogan sa Davao del Sur.  Tulo niini gihimo kaniadtong Nobyembre ug Disyembre 2019.

Human sa gihimong debosyonal ug orientation, ang nagkada-iyang lokal nga iglesya ug distrito misdiretso sa mga lugar sa maong buluhaton.

Matud pa ni Flaebana Rama, 87-anyos ug lumulopyo sa Brgy. Quirino, “Daghang salamat kaninyo, mga Seventh-day Adventists. Nalipay gyud kog dako sa grasya nga akong nadawat. Luyo sa mga pag-antos ug kalisud nga among nasinati karon, inyo ming gipalipay!”

Ang kawani sa opisina sa Davao Mission nagdunol ug gatusan ka mga foodpacks alang sa mga katawhan sa Brgy. Quirino, Padada. Hilabihan ang gibati nga pagpasalamat ni Brgy Kapitan Rolly Guyot sa gihimong food pack distribution sa iyang barngay. “Wala nako damha nga ing-ani kadako ang gihatag ug gipakita sa Seventh-day Adventist Church dinhi sa barangay Quirino. Daghang salamat sa inyong gasa sa gugma alang kanamo. Nagtuo ko nga gamay-gamay ra ang gasa pero perting daghana,” matud niya.


Gitung-an nila Mr. Laurence Lamera, Pr. Edwin Magdadaro, ug Pr. Rey Merin si Brgy Quirino kapitan Rolly Guyot.

Ang Davao Mission mapasalamaton sa tanang mga kaigsoonan, ka-iglesyahan, ug mga distrito nga nakigduyog niini nga kalihokan!

Spread the love

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Our Beliefs

Seventh-day Adventist beliefs are meant to permeate your whole life. Growing out of scriptures that paint a compelling portrait of God, you are invited to explore, experience and know the One who desires to make us whole.

Read more

Get in touch with us!