Magnitude 6.9 miuyog sa Davao del Sur pag-usab

December 18, 2019 • in News & Events

Magsaysay Adventist Church

Usa ka 6.9 nga linog ang niuyog sa Davao del Sur pag-usab kaniadtong Disyembre 15 sa alas 2:11 sa hapon. Ang kusog nga linog nakaguba sa mga dakbalay ug naghimo sa ubang nga dili na luwas sa pag-okupar.

Tungod niini, ang Seventh-day Adventist Church sa rehiyon sa Davao nagpadala dayon sa mga mamumuo  aron sa pagsusi sa epekto sa maong linog sa atong mga miyembro ug kasimbahanan. Duyog niini, wala’y natala nga mga kaswalti gawas sa mga simbahan ug pipila ka mga balay nga nangaguba ug dili na luwas nga puy-an.

Sa laing bahin, duha ka mga bilding sa sulod sa South Philippine Adventist College gideklarar nga dili na luwas nga gamiton, sumala sa usa ka lokal nga engineer: Ang edipisyo sa Senior High School ug ang AWR HopeRadio. Dako usab ang nahimo nga kadaut sa maong kusog nga linog sa bilding kon asa nahimutang ang mga opisina sa eskwelahan.

AWR HopeRadio Davao (Matanao Studio)

Ang linog nakaapekto sa pipila pa nga mga lokal nga Simbahan nga Adventista, pagdugang sa gidaghanon sa mga simbahan nga nadaot sa serye sa mga linog nga nahitabo na kaniadtong Oktubre.

Sa usa ka pagbisita sa Magsaysay, ang mga dalan nasirhan tungod sa bug-at nga mga pagbuak o liki sa yuta ug konkreto nga mga agianan, lakip ang mga nag-unang tulay nga nagkonektar sa panguna nga dalan sa mga sulud nga barangay. Ang inisyal nga taho nag-ingon nga adunay 10 nga mga pamilya’ng Adbentista kansang balay hingpit nga nadaot, samtang 41 nga adunay bahin nga nadaot nga mga balay. Walo ka lokal nga simbahan sa Adventista ang nadaot atul sa bag-ohay nga linog.

Road cracks

Sa usa ka press release nga gihimo sa National Disaster Risk Reduction and Management Council, ang linog nga nahitabo kaniadtong Domingo, 9 ang namatay ug daghan ang nasamdan. (Photos by AdventistMedia Davao)