๐Œ๐ ๐š ๐๐š๐ง๐ ๐ฎ๐ฅ๐จ ๐ฌ๐š ๐ƒ๐š๐ฏ๐š๐จ ๐Œ๐ข๐ฌ๐ฌ๐ข๐จ๐ง ๐Œ๐ข๐›๐ข๐ฌ๐ข๐ญ๐š ๐ฌ๐š ๐ˆ๐ฒ๐š๐ง๐  ๐ฆ๐ ๐š ๐๐š๐ฌ๐ญ๐จ๐ซ

December 14, 2022 โ€ข in News & Events
Sama sa mga ginikanan nga nag-agak sa ilang mga anak, gibisita sa mga pangulo ug opisyales sa Davao Mission ang mga magbubuhat niini nga nagadumala sa 7 ka mga clusters sa tibuok misyon isip kabahin sa Pastorsโ€™ Evaluation sa pagtapos sa tuig 2022.
Gibahin sa 3 ka grupo, ang atong DM President, Executive Secretary, Treasurer ug mga directors nga nagdumala sa mga nagkalainlaing departamento sa mission, mibisita sa panimalay ug buhatan sa atong mga pastor, ordinado man o nagabuhat isip district leaders, aron masuta ang ilang nakab-ot nga mga kalamboan diha sa pagdumala sa mga simbahan ug mga katawhan nga gipiyal kanila.
Isip panggamhanan sa mga katawhan sa Dios dinhi sa yuta, daku kaayo ang gisangon nga tahas sa mga ministro sa pagdumala sa mga programa sa pagsangyaw sa maayong balita pinaagi sa care group, Eskwela Sabatika ug personal ministries, edukasyon, maayong panglawas, komunikasyon gamit ang radyo, telebisyon, pinatik ug social media, pagkapiniyalan o stewardship, ministeryo sa pinatik, programa sa mga kabataan, kababayen-an, mga batan-on, pamilya, Muslim ug Lumad relations, community services, mortuary fund, musika, ministeryo sa mga young professionals ug negosyante ug uban pa.
Nasuta niining maong pagbisita ang katakos sa atong magbubuhat sa pagtipig ug paghan-ay sa mga records o talaan, sa pagpresentar sa ilang mga kalihukan sa tibuok tuig 2022 ug sa taliabot nga tuig 2023, ang mapa sa ilang teritoryong ginaalagaran, mga nakab-ot na ug kalab-uton ug uban pang hagit diha sa pagbuhat sa kaumhan sa Ginoo.
Nahimong mabulokon ang pagbisita tungod kay natagaan og kahigayonan ang mga ministro sa pagpahat sa ilang kasinatian, pagpresentar sa ilang mga plano ug sa pag-inampoay nga nakapadasig kanila.
Nahimong kaabag sa mga pastor ang ilang kapikas sa kinabuhi, mga anak, ang mga kaigsoonan nga nagtinabangay aron mouswag ug motubo ang iglesya ug labaw sa tanan, ang Dios nga nagtawag ug nagdihog kanila diha sa maong buluhaton.
โ€œAng matag magbubuhat nga mosunod sa panig-ingnan ni Cristo maandam sa pagdawat ug sa paggamit sa gahum nga gisaad sa Dios ngadto sa Iyang iglesya alang sa pagpahinog sa alanihon sa yuta. Sa matag buntag, samtang ang mga tigmantala sa maayong balita nagaluhod sa atubangan sa Ginoo ug nagabag-o sa ilang mga panaad sa paghalad ngadto Kaniya, Iyang tugyanan sila sa presensya sa Iyang Espintu, uban sa nagapabuhi, ug nagabalaan nga gahum niini. Samtang sila manggula ngadto sa ilang mga katungdanan sa matag adlaw, sila may kasigurohan nga ang dili makita nga ahensya sa Balaan nga Espiritu nagpatakus kanila nga mahimong โ€œmga magbubuhat kauban sa Dios.โ€ Ang Buhat sa mga Apostoles 49:1 (DM Communication)
Spread the love

Leave a Reply

Your email address will not be published. Required fields are marked *

Our Beliefs

Seventh-day Adventist beliefs are meant to permeate your whole life. Growing out of scriptures that paint a compelling portrait of God, you are invited to explore, experience and know the One who desires to make us whole.

Read more

Get in touch with us!