SADACA mipahigayon ug Blood-letting Activity

November 22, 2022 • in News & Events

Kuwarenta (40) ka mga blood donors ang miapil sa ikaduhang Blood-Letting drive nga gipahigayon sa Peñaplata Central SDA Church niadtong November 17 kauban sa bag-ong napili nga pangulo sa Davao Mission.

Malipayon nga nakig-uban ang bag ong presidente sa Davao Mission, Pastor Reynaldo Merin, kauban sab ang iyang pinanggang asawa nga si Mrs. Emelyn Merin, ang DM Women’s ug Family Ministries director, sa nasangpit nga kalihukan nga gisuportahan sa mga staff sa Davao del Norte Blood Center, City Health Office, Brgy. Peñaplata BHW, ug mga kaigsuonan sa Peñaplata Central Adventist Church ug Samal District Adventist Churches Association (SADACA) ug nahimong malampuson ang maong aktibidad.

Usa kini ka hiniusang programa sa Peñaplata Central Adventist Church kauban si Church Pastor, Pr. Antonio Taguibalos ug sa SADACA 7 sa pagdumala ni Pastor Denver Nietes. Pipila sa mga miapil ang first timer ug daghan kanila ang mga regular donors.

Ang maong blood-letting drive, usa sa mga lakang sa atong pagpakiglambigit sa dakong buhat nga gipiyal kanato sa Dios. Ang Desire of Ages, p. 584 nag-ingon, nga mga katawhan sa Dios “gilalang sila isip lumolupyo sa kalibutan aron moalagad ug magbuhat dili alang sa ilang kaugalingon. Gidisenyo sila aron sa pagtabang sa ilang isigkaingon sa bisan unsang posibleng pamaagi.” (Denver Sabijon Nietes/DM Communication)